VENRES, 24

Arredor das doce da mañá, cando o termómetro exterior aínda non chegaba a marcar os 0ºC e unha boa capa de xeada cubría o coche, metemos as mochilinhas nel e comezamos a percorrer quilómetros non sen antes deixarmos o calzado estratexicamente colocado na sala por se ós Reis se lles dá por deixarse caer por aquí… ;)

Durante o camiño acompañáronnos as paisaxes nevadas e a agradable sensación de pensar nas nosas mochilas cargadas con roupa de verán, protección solar, gafas de bucear… En fin, que ilusión tan grande!

Chegamos a Madrid a iso das seis e media despois de parar unicamente en Benavente para xantar e xa no Guadarrama para estirar as pernas e pisar a neve.

Despois de instalarnos no Hotel Osuna saímos a pasear polas céntricas e iluminadas rúas de Madrid observando o ambiente navideño e camiñando a bo paso para non quedar conxelados no medio da rúa.

Foi imposible atopar unha pizzería ou establecemento similar onde tomar algo de cea pois ás oito e media xa os bares pechaban as portas para que os camareiros puidesen cear na casa de cada un. Optamos entón por mercar sandwiches, refrescos e froita nun Vips e montar a nosa peculiar cea de Noiteboa nunha das habitacións do hotel. Que bo estaba todo!!!

Rematamos axiña esta primeira xornada de viaxe xogando un pouquiño na consola e mirando unha película antes de deitarnos rendidos á espera dun novo día que, sen dúbida, estará cheo de emocións…

Ata mañá!!!